الســلام عليكم السلام عليك يا وطن السلام السلام عليكِ يا ذكريات الزمـن الجميل وعلى أحلى عراقييــن
جئت لكم اليوم وفي خاطري أن نسترجع ذكرياتنا في عراقنا أن نتصفح ألــبوم الصور ونرجع إلى أحلى أيــام عشناها وألي أكيد محد من عدنه رح ينساها
¤!||!¤¤!||!¤
أيــام الشته ما تنسي .وخصوصاً من نكون مثلجين من البرد ومتلفلفين بالبطانيه وكلها متمددة على الزوليه و عايفة القنفات .. وأحلى فقره من نحط الكتلي على الصوبه ومن يبدي فلم السهره يحمى ستكان الجاي وعلى غفله ينفجر عليك ((سعاااااااااااده))
............................................ ليش والصـمون الحار أبو السمسم و أول ما يجي تسوي لفه مال كيمر عرب الللللللللللله والكَمع مالته .. وين تلكي مثله ............................................... والخبز أول ميجي تاكل و متشبع .. وتحط جبن لونعناع ايباااااااااااااااا مو خبز تكول فستق .....................................
وين أكو أحله من يوم الجمعه وريوكَ يوم الجمعه والعائلة كلها ملتمه والميز كله كيَمر والخواشيكَ هناك وهنا .. و المليخ و الشقة بين الاخوة ..عالميز ..وتبدي العركه منو ياخذ القطعه الأكبر وكالعاده لو تنتهي بعركه لو كل واحد ينكتل ويكَعد عاقل
وتباوع عالصحن تطلعلك البوخه وتدوخ وتباوع منا منا حتى تستفرد بيه وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك
..............................................
ووره الغده ماكو أحلى من استكان الجاي أبو الهيل يعدل الدماااااااااااااااااغ
...........................................
و الرصيد ... <<هاي ورة الحرب دائماً خلصان .. وهذا الكارت صديق عزيز .. و منقذ ..تريد تحجي وي الحب تعايده .... طبعا اكيد تخلص العيدية عالكارتات ..............................
وفي أيام الصيف المشمسه والكهرباء مطفيه وأبو المولده مخلص كاز وكَلبك محروكَ من الحر .. ماكو أطيب من الركَي ينزل على كَلبك مثل الثلج بررررررررررررررررررررررررر
.................................
وفلم الظهر ما يحله أله على هوه المبرده ووياهة كاسة لبن وتكابل المبردة وتكعد الللللللللللللللللللللله
........................................... واللبلبي ..وما أدراك ما اللبلبي .. احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري ... وشوف الكاسه الي تنكَط ورد <<<أنت أخذ خاشوكه قبل النوم وشوف المفعول السحري مالته
الكَريــــعات .. علم من أعلام بغداد أحلى هوه وأحلى سمج وأحلى صفكَه لأحلى كريعات ..................................
أيــام الشباب الزيزفوني أيام الأعدادية جانت سفراتنه كلها لو للريحانه لو لبرج بغداد
.....................................
ليــل بغداد .. أجمل لوحة سبحان الي صورها الي يشوفها يكَول لاس فيكَاس براس السنه اي والله ومثل ما يكَول السياب الشمس أجمل في بلادي من سواها ..والظلام حتى الظلام أجمل فهو يحتضن العراق
...............................
أحلى ما في الذكريات انها في العراق
أميــــــ الحب ـــــرة مديرة الموقع
عدد الرسائل : 274 تاريخ التسجيل : 18/06/2008
موضوع: رد: تـــــذكر مدن العراق و ارفدنا بصور من ارض الوطن الثلاثاء مايو 17, 2011 3:52 pm
شكر على الصور الجميلة من وطنا الحبيب عاشت ا لايادي تقبلي مروري
الجمعة مارس 05, 2010 11:32 am
¤!||!¤
.. وين تلكي مثله
